البارحـه كنـي علـى النـوم مجبـور^^^^مابيـن ونـاتٍ ودمـعـه وهـوجـاس

البارحـه كنـي علـى النـوم مجبـور
مابيـن ونـاتٍ ودمـعـه وهـوجـاس

اصفق بكفي واضـرب الشـور بالشـور
واردع جيوش الهـم بالرمـح والطـاس

اظلم سماي وغـاب مـن عينـي النـور
من يـوم ماشفـت الامـل هـده اليـاس

ياليتـنـي قــدام ذا الـيـوم مقـبـور
ابرك من اللـي يـودع القلـب محتـاس

انـا مدينـه فالزمـن مالـهـا ســور
يهزهـا الهاجـوس مـع كـل نسنـاس

ولا انـت ياسيـد الغنـاديـر مـعـذور
حظي عليـه اللـوم ياعطـر الانفـاس

حظي واعرفه خالي احسـاس وشعـور
مـره يـدوس الوقـت ومـرار ينـداس

مهما حصل من سالفة وصلـك قصـور
تبغى العزيز اللي علـى العـز نبـراس

لو طاح قدرٍ لـك مـن العـام محفـور
يسكن عيوني كان حـوّل مـن الـراس

غالي ولـك فالقلـب ريضـان وقصـور
وغـلاك مالـه بيـن الاحبـاب مقيـاس

لكـن يـاروضٍ مـن الوسـم ممطـور
لولا عنـاد كليـب وش ذنـب جسـاس

انـا صريـح ولا اعـرف الـف وادور
والحـق مايرضـي ثنيـنٍ مـن النـاس

مانـي براعـي صحبـة ايـام وشهـور
انا مـن اللـي لاعشـق يرفـع السـاس

صحيح جارحني وانـا منـك مخطـور
واخفي جروحي خوف لاجرح لك احساس

ياليـت لجـروح المحبـيـن دكـتـور
ماكـان خـلان الهـواء تشكـي البـاس